Сојузот на синдикатите на Македонија (ССМ) ги повика работниците на масовно учество на првомајскиот протест, кој ќе се одржи на 1 мај, со почеток во 11:00 часот пред Работничкиот дом во Скопје.
Протестот ќе се одржи под мотото „За плата се бориме, не се молиме“, а од ССМ истакнуваат дека работничката борба е континуиран процес за заштита и унапредување на правата на вработените.
Од Синдикатот посочуваат дека веќе осма година по ред организираат првомајски протест, нагласувајќи дека овој ден има суштинско и симболично значење за борбата за работничките права.
ССМ апелира за обединетост и одлучност, со порака дека работниците заслужуваат достоинствени плати и праведен третман во општеството.
