Премиерот Христијан Мицкоски изјави дека интензивно се работи на реконструкцијата на Универзалната сала во Скопје и изрази уверување дека проектот ќе биде завршен во предвидениот рок.
Тој посочи дека овој зафат е дел од подготовките за манифестацијата „Европска престолнина на културата 2028“, нагласувајќи ја неопходноста од навремено финализирање на планираните капитални објекти.
Мицкоски информира дека по претходните застои, реконструкцијата сега добива на интензитет и дека сите активности се одвиваат според утврдениот план и буџет.
Од Владата нагласуваат дека Универзалната сала е еден од клучните објекти во рамки на културните проекти во главниот град.
