Во Основниот кривичен суд Скопје денеска треба да биде изречена пресудата во предметот против Јасмина Костадинова, обвинета за злоупотреба на средства од ИПАРД-фондовите.
На претходното рочиште, обвинетата, која е вработена како соработничка во Министерството за земјоделство, призна вина за кривичното дело примање награда за противзаконито влијание во износ од 2.000 евра.
Според обвинението, Костадинова е една од деветте лица кои се товарат дека учествувале во шема преку која на фирма, која првично не била меѓу рангираните, ѝ било овозможено противзаконски да добие финансиски средства од европските фондови.
