Американскиот претседател Доналд Трамп денеска објави серија загрижувачки пораки на својата платформа Truth Social, тврдејќи дека „целата цивилизација ќе умре вечерва и никогаш нема да се врати“. Тој нагласи дека светот во моментов се наоѓа во „еден од најкритичните моменти во својата долга и сложена историја“.
Во својата објава, Трамп посочи дека иако не посакува ваков апокалиптичен исход, го смета за многу веројатен, сугерирајќи дека само итна „промена на режимот“ би можела да го смени текот на настаните. Тој директно му се обрати на иранскиот народ, порачувајќи дека „47-те години изнудување, корупција и смрт“ конечно можат да завршат.
Ваквите изјави предизвикаа бура од реакции во политичките кругови во Вашингтон. Демократите и дел од правните експерти повторно побараа активирање на 25-тиот амандман или покренување итна постапка за импичмент. Притисокот врз неговиот кабинет и потпретседателот се зголемува, додека јавноста ја доведува во прашање неговата способност за понатамошно вршење на функцијата претседател во услови на ваква криза.
