Двајца разбојници нападнале и ограбиле 74-годишна жена на мостот „Гоце Делчев“ во Скопје, при што со употреба на физичка сила ѝ го одзеле накитот. Инцидентот се случил вчера (11 април) околу 13:05 часот.
По преземени брзи оперативни мерки, околу 15:30 часот, полициски службеници од СВР Скопје ги лишиле од слобода А.М. (39) и А.С. (28), двајцата од Скопје. Накитот е пронајден кај нив и ќе ѝ биде вратен на сопственичката.
По целосно документирање на случајот, против напаѓачите ќе бидат поднесени соодветни кривични пријави до надлежното обвинителство.
