Иранските власти тврдат дека американските сили не успеале да го спасат пилотот на соборениот борбен авион Ф-15, по инцидентот што се случи во рамките на тековниот конфликт во регионот.
Според ирански извори, веднаш по соборувањето на леталото била почната опсежна потрага по екипажот, при што официјален Техеран тврди дека пилотот не бил извлечен од територијата. Овие наводи доаѓаат во време на интензивни воени операции и засилени борбени дејствија од двете страни.
Наспроти ова, американски воени претставници соопштија дека е спроведена успешна операција за пребарување и спасување (CSAR), при што двата члена на екипажот се извлечени на безбедно. Според информации на светските медиуми, американските специјални единици реализирале високоризична мисија во која, по неколкудневна потрага, бил лоциран и спасен и вториот член на екипажот.
Целата операција се одвивала во исклучително сложени услови, додека иранските сили паралелно се обидувале да го пронајдат екипажот. Овој настан ја нагласува силната информациска војна што ги следи случувањата на терен, каде двете страни пласираат дијаметрално спротивни тврдења за исходот од спасувачките мисии.
