Екипажот на мисијата „Артемис II“ постави нов рекорд за најдалечно човечко патување во вселената, надминувајќи го историското достигнување на легендарната мисија „Аполо 13“.
Според податоците на НАСА, „Аполо 13“ во 1970 година достигна растојание од 400.171 километри од Земјата – бројка која повеќе од половина век важеше за граница на човечкото присуство во вселената. Со новата мисија, астронаутите на „Артемис II“ достигнаа максимална оддалеченост од околу 406.700 километри, со што претходниот рекорд е соборен за цели 6.600 километри.
Еден од членовите на екипажот изјави дека овој подвиг им е посветен на сите претходни генерации истражувачи, нагласувајќи дека мисијата претставува нов почеток во истражувањето на длабоката вселена. Тој додаде дека екипажот ќе продолжи да се движи по својата траекторија уште подалеку пред гравитацијата на Земјата повторно да го повлече леталото кон дома.
Овој успех испраќа силна порака до идните генерации астронаути постојано да ги поместуваат границите на човечките можности во вселенските мисии.
