Ирански граѓани денеска формираа човечки синџири на Белиот мост во Ахваз, со цел да го заштитат овој клучен инфраструктурен објект од евентуални американски воздушни напади. Акцијата е одговор на засилените закани од Вашингтон, од каде што најавија дека би можеле да ги таргетираат мостовите и другите стратешки точки доколку Техеран не ги исполни поставените услови.
Официјалните власти ја претставуваат иницијативата како мирен израз на национална солидарност и одлучност за заштита на државните капацитети. Во меѓувреме, меѓународните набљудувачи предупредуваат на екстремните ризици по животот на цивилите вклучени во ваквите акции.
Овие човечки синџири се дел од поширока мобилизација околу критичните објекти низ земјата, вклучувајќи електрани и други клучни мостови, во време на драматична ескалација на тензиите меѓу САД и Иран.
