Долги колони возила се создаваат на граничниот премин Ќафасан, каде што албански државјани чекаат и до два часа за да влезат во Северна Македонија со цел да наточат гориво по пониски цени.
Според информациите од теренот, зголемениот метеж е директна последица на значителната разлика во цените на нафтените деривати меѓу двете земји. Оваа економска разлика ги мотивира возачите од пограничните региони редовно да ја преминуваат границата.
Разликата во цената достигнува и до неколку десетици лека по литар, поради што полнењето гориво во земјава се смета за значително поисплатливо, и покрај долготрајните задржувања на преминот.
Овој феномен не е нов и беше забележан во повеќе наврати во изминатиот период, секогаш кога зголемувањето на цените во Албанија поттикнува засилен прекуграничен проток на возила кон македонските бензински пумпи.
Граничниот премин Ќафасан, како еден од клучните точки на Коридорот 8, често се соочува со ваков сообраќаен притисок, што дополнително ги оптоварува службите и го забавува редовниот транзит на патници и стока.
