Полициски службеници од ОВР Крушево го лишија од слобода 47-годишниот У.Т. под сомнение дека во семејниот дом физички ја нападнал мајката на неговата сопруга. Според информациите од полицијата, нападот бил извршен со тврд предмет, при што на жената ѝ биле нанесени повреди.
Настанот се случил на 29 март во попладневните часови, а напаѓачот бил приведен кратко по пријавата. По целосно документирање на случајот, против него ќе биде поднесена соодветна кривична пријава до надлежното обвинителство.
