Министерството за внатрешни работи спроведе линеарно зголемување на платите за сите вработени во бруто-износ од 2.470 денари, соопштија од институцијата.
Покачувањето ќе се применува со исплатата на мартовската плата за 2026 година и доаѓа како резултат на усогласувањето со новиот износ на минималната плата во државата.
Од МВР посочуваат дека ова зголемување е дел од континуираните напори за подобрување на животниот стандард на вработените и на условите за работа во полицијата.
Воедно, најавено е дека во претстојниот период, со имплементацијата на новиот Закон за внатрешни работи, ќе се разгледуваат можностите за дополнително покачување на примањата.
Оваа мерка ги опфаќа сите категории вработени во Министерството, а целта е да се обезбеди рамномерен раст на платите во согласност со економските движења и законските измени.
