Министерот за здравство, Азир Алиу, на денешната прес-конференција откри фрапантен податок дека доктор вработен во јавното здравство заработил 700 илјади денари за само еден месец. Министерот не сподели детали за идентитетот на докторот ниту за институцијата каде што е вработен.
„И Министерството за здравство и Владата ги знаат институциите, дозволете институционално да го решиме ова. Не би смеел да ги кажам деталите на прес-конференција бидејќи ќе загрозам систем што не треба да се загрози. Знаеме дека нашата работа може да се заврши за две недели отсега, но тие се процедури и ќе треба други институции да ги процесуираат“, рече Алиу, додавајќи дека не ја исклучува ниту можноста за кривична одговорност.
Контрола со отпечаток од прст
За да се спречат ваквите појави, Алиу најави воведување систем за евиденција на работното место со отпечаток од прст (фингер принт) за сите здравствени работници. Системот веќе се тестира во две клиники, по што ќе се прошири низ Скопје и целата земја.
„Имаме ситуации каде што доктори прегледуваат еден пациент неделно, а други и 100 пациенти неделно. И едното и другото не е во ред. Мора да ги следиме и да направиме систем, кој, прво, реално ќе го следиме ние како Министерство и, второ, ќе реагираме навреме“, истакна тој.
Огромни нелогичности во бројот на операции и упати
Според анализите, во седум клиники се работела дополнителна дејност двојно подолго (41 процент) од законски утврдениот минимум од 20 проценти. Министерот изнесе и компаративни податоци за работата на специјалистите:
- Двајца специјалисти од иста област имале огромна разлика во бројот на операции: едниот извршил 1.134, а другиот 470.
- Во внатрешноста се евидентирани лекари кои не направиле ниту една операција во цела 2025 година.
- Кај реализацијата на упати за шест месеци во 2025 година, еден доктор имал 16.526, додека друг во друга клиника само 7.352.
„Иако се работи за различни специјалности, мора да следиме како овие разлики се можни. Има бројки што се нелогични за здравствениот систем“, рече Алиу, најавувајќи дека ќе се истражува дали ова е резултат на законски празнини или лошо менаџирање.
Контрола на работата во приватното здравство
Министерството дополнително ќе бара информации за тоа колку време лекарите од јавното здравство поминуваат во приватните установи. Алиу призна дека до податоците доаѓаат со „тешки маки“ бидејќи институциите не ги ажурираат листите на чекање иако имаат законска обврска.
„Мора да се смени менталитетот. И затоа ќе работиме паралелно – и на законски решенија и на терен со нашите органи, кои имаат надлежност за тоа“, заклучи министерот.
Претходно, за доктори кои со дежурства и додатоци достигнувале суми од 10.000 евра месечно зборуваше и Христијан Мицкоски од собраниската говорница.Министерот за здравство, Азир Алиу, на денешната прес-конференција информираше за случај на лекар вработен во јавното здравство кој остварил месечна заработка од 700.000 денари. Министерот не откри детали за идентитетот на лекарот ниту за матичната институција, нагласувајќи дека случајот ќе се решава институционално.
„Министерството и Владата ги знаат институциите. Не би смеел да кажам детали за да не загрозам систем што не треба да биде загрозен. Процедурите се во тек и очекуваме другите институции да ги процесуираат во рок од две недели“, изјави Алиу, не исклучувајќи ја можноста за кривична одговорност.
Како мерка за поголема контрола, најавено е воведување систем за евиденција со отпечаток од прст за сите здравствени работници. Системот веќе се тестира во две клиники, а првично ќе биде воведен во Скопје, па низ целата земја. Целта е да се следи обемот на работа, со оглед на тоа што анализите покажале огромни разлики во бројот на прегледи и операции меѓу специјалистите.
Според податоците на Министерството, во седум клиники е утврдено дека дополнителната дејност се работела двојно подолго од законскиот максимум. Статистиката покажува дека еден специјалист извршил 1.134 операции, додека негов колега од истата област само 470. Дополнително, забележани се случаи каде лекари во внатрешноста немале ниту една операција во текот на целата 2025 година.
Министерот Алиу истакна дека се соочуваат со потешкотии при ажурирањето на податоците за листите на чекање и најави дека Министерството ќе бара информации за тоа колку време лекарите од јавното здравство поминуваат работејќи во приватни установи.
Претходно, за слични пресметки на плати и дежурства од околу 10.000 евра месечно во јавните здравствени установи говореше и Христијан Мицкоски од собраниската говорница.
