Денеска во 15.35 часот во атарот помеѓу селата Вељуса и Ангелци избувна пожар кој поради силниот ветер се ширеше доста брзо, споделија од „Пожарникари - Струмица“ во објава на Фејсбук.
Како што посочија во објавата, во пожарот била зафатена поголема површина од сува трева и трски.
ТППЕ Струмица интервенирале со две противпожарни (ПП) возила и шест пожарникари-спасители.
Пожарот бил целосно изгаснат, со што било спречено негово ширење и предизвикување поголема материјална штета.
