Од полноќ стапуваат на сила нови, пониски цени на нафтените деривати, согласно последната одлука на Регулаторната комисија за енергетика (РКЕ). Малопродажните цени на бензините се намалуваат за 1,5 денари по литар, додека кај дизелот е регистриран пад од 2,5 денари по литар.
Нови малопродажни цени:
- Еуросупер БС-95: 82,0 денари/литар
- Еуросупер БС-98: 84,0 денари/литар
- Еуродизел (Д-Е V): 95,5 денари/литар
- Екстра лесно масло: 96,5 денари/литар
Премиерот Христијан Мицкоски изјави дека со ова Македонија ја задржува позицијата меѓу земјите со најниски цени на горивата во регионот, додавајќи дека владините мерки за заштита на стандардот на граѓаните даваат видливи резултати.
Во текот на неделата се очекува и детална анализа на извештаите за цените на прехранбените производи за февруари и март. Владата ќе го разгледа движењето на маржите и трошоците во трговијата, по што ќе биде одлучено за евентуално воведување на нови, прецизно таргетирани мерки за одредени категории основни производи.
Овие промени доаѓаат по неодамнешните интервенции со намалување на акцизите и ДДВ-то, додека важноста на кризната состојба во енергетскиот сектор е предвидено да заврши на 20 април.
-1773573599567-964172075.jpg)
