Хрватската авиокомпанија „Кроација ерлајнс“ продолжува со намалување на бројот на летови на релациите Загреб–Скопје и Загреб–Сараево, објави специјализираниот портал „Ex-Yu Aviation“.
Според објавените информации, во текот на јуни ќе има во просек по седум летови неделно кон Скопје, што претставува намалување во однос на истиот период минатата година. Кон Сараево, пак, бројот на летови ќе се движи меѓу девет и десет неделно.
Промените доаѓаат во услови на пошироки прилагодувања на распоредите на летови и зголемени трошоци во авиоиндустријата, при што дел од авиокомпаниите веќе најавија кратење на линии и измени во мрежата на дестинации.
